Компактен систем за одржување на притисокот, испорачан како единица готова за приклучување, со што се овозможуваат лесна инсталација и пуштање во работа. Системот се состои од механички и хидраулични составни елементи, како и од контролни единици: Пумпа, резервоар за PPH, цевководи и соодветната опрема, како: Затворачки вентили, приклучни цевки, вентил за прекумерен притисок, патронски филтер и неповратен вентил, единица за обезвоздушување на механичката заптивка на пумпа, притисок, расклопен уред за пумпа. Приклучокот помеѓу пумпата и резервоарот, потисната страна и постројката на лице место и електричното поврзување мора да се изведат дополнително.
Wilo-WEH се применува за да се обезбеди константен и стабилен притисок во постројката. При експанзија, медиумот се презема во резервоарот, а при контракција, повторно се предава за полнење на постројката.
За инсталација во комерцијални објекти (административни згради, хотели, болници, трговски центри, училишта, …) и постројки за греење и климатизација за далечинско греење.
Составни елементи:
Расклопен / контролен уред
Електронска централна единица за управување
- Пластично куќиште со вид заштита IP 54, со главен прекинувач
- Сигнализација за работа и за грешка
- Можност за дефинирање на параметрите за притисокот
- Со функција за полнење на пумпата
Пумпа
Повеќестепената пумпа од серијата MHIL успева да ги одржи моментално потребниот проток и притисок за да одржува стабилно ниво на неопходниот притисок на постројката. Таа може да се применува во топловодно греење, кружни системи за ладење и ладна вода, како и во индустриски циркулациони системи.
Резервоар
Резервоарот е достапен во големините од 200 - 5000 l и направен е од хомополимер на полипропилен, со исклучителна отпорност на корозија. Сите неопходни приклучоци се подготвени. На резервоарот е инсталиран магнетен вентил за полнење на резервоарот. Покрај тоа, на резервоарот се прицврстени пливачки прекинувач за ниво и пливачки прекинувач за надгледување на недостаток на вода. На горната страна на резервоарот е поставена маска со рачка.
Цевководи
Инсталирани се два цевковода, по еден на потисната и на вшмукателната страна. Помеѓу цевководите е инсталиран вентил за прекумерен притисок. Доколку притисокот на медиумот стане многу висок поради ширење, се отвораат вентилите за прекумерен притисок, така што медиумот може да истече од постројката назад во резервоарот. Од вшмукателната страна се поставени затворачки вентил и патронски филтер. На притисочната страна се наоѓаат неповратен и затворачки вентил. За надгледување на притисок на постројката е инсталиран давач на притисок. Доколку опадне притисокот во постројката, давачот ќе го утврди тоа и ќе ја стартува пумпата за да го пумпа медиумот од резервоарот назад во постројката, така што притисокот повторно ќе се зголеми и ќе ја постигне зададената вредност.
DWG (2 MB)