Економски и еколошки убедливи решенија

Задачата на компаниите за снабдување со вода за пиење е разновидна и предизвикувачка. Треба да гарантирате обработка на површинската вода, филтрација и ултрафилтрација, како и дезинфекција на трајна основа. Истовремено, важно е да се намалат трошоците и потрошувачката на енергија.

Со широкиот опсег на соодветни пумпни решенија, Wilo е компетентен партнер за ова. Со високо ефикасните производи, правиме значителен придонес кон оптимизирање на процесот во поглед на енергијата. Така се минимизираат трошоците за обработка и истовремено се штити животната средина. Високата сигурност и долгиот работен век на Wilo пумпите гарантира безбедно снабдување со вода за пиење на долг рок.

За секоја област на примена во подготовката на вода

Портфолиото на решенија на Wilo со одобрение за вода за пиење е единствено и сеопфатно. Во палетата на пумпи се вбројуваат стандардните и блок пумпите, пумпите со аксијално поделено куќиште и постројките за зголемување на притисокот, но и потопните пумпи за бушотини или во притисочна обвивка за дистрибуција. Особено пумпите со регулација преку фреквентен конвертор може идеално да се адаптираат на конкретните барања за соодветната примена и така придонесуваат значително за намалување на енергетските трошоци. Освен тоа, има најмодерни решенија за надгледување и управување, кои автоматски обезбедуваат притисок којшто е реално потребен, при што се избегнува непотребното оптоварување на компонентите. Во тој контекст, се користат нашите системи за зголемување на притисокот прилагодени за корисниците, кои комуницираат со процесот на контрола на системот.

Безбедност и ефикасност за вашите процеси на обработка

Зависно од локалните правни услови, како и изворот на вашата необработена вода и нејзиниот квалитет, ќе треба да имплементирате различни чекори за да ја обработите вашата вода за безбедна употреба. Нашите модерни решенија ве поддржуваат во постапките кои се користат за ова: без разлика дали треба да ги отстраните патогените преку озонирање, да ги одвоите честичките преку филтрација или флокулација или да ги отстраните остатоците преку апсорпција, нашите решенија гарантираат непречена и сигурна работа. Со Wilo може да гарантирате непреченост во вашата работа 24/7, 365 дена во годината.

Освен тоа, може да е потребно да се неутрализира киселоста или омекне вашата вода за да може крајните корисници да користат помалку детергент. Со примената на нашата пумпна технологија, правиме заеднички придонес кон заштита на животната средина.

За сите ваши чекори во процесот, нашите високо ефикасни и трајно сигурни пумпни системи гарантираат дека водата ќе помине низ сите чекори од процесот и, зависно од процесот, ќе се пумпа за повратно плакнење или зголемување на притисокот, токму според вашите потреби.

Вистински пумпни системи за вашата дистрибуција и зголемување на притисокот

Дистрибуцијата на водата до точката на користење е уште една примена за која може да се потпрете на нашето многугодишно искуство. Зависно од барањата за обработка, достапни се класичните стандардни пумпи и пумпите со аксијално поделено куќиште, пумпите со притисочна обвивка или регулираните системи со константен или варијабилен притисок. Сите наши пумпи и системи се карактеризираат со цврст и високо ефикасен дизајн, како и долг работен век и ниски работни трошоци. Ќе добиете совршен избор на материјали за пумпи и варијанти на заптивки за вашата примена, како и разни облоги за зголемување на ефикасноста или за заштита од таложење. Зборувајте со нашите експерти за правилен избор на пумпи, кои ги исполнуваат вашите индивидуални барања во секој поглед