Zgjidhjet tërësore sistemesh për projektuesit dhe operatorët: për projekte të qëndrueshme, përcaktuese të së ardhmes
Wilo zhvillon zgjidhje individuale dhe me vlerë të lartë për ju si operator i ndërtesave tregtare dhe ndërtesave publike. Sistemet tona të pompimit karakterizohen nga efektiviteti maksimal, aftësia fleksibël e integrimit dhe cilësia e jashtëzakonshme. Edhe ju si projektues përfitoni nga kjo. Me programin tonë të gjerë dhe novator të produkteve ne ju ofrojmë një zgjidhje të përshtatshme për çdo projekt në shërbimet e mirëmbajtjes së ndërtesës.
S'ka rëndësi nëse është ndërtesë zyre ose ndërtesë administrative, spital, qendër tregtare, shkollë, hotel ose aeroport dhe stadium – Wilo ofron pompat e duhura specifike, ose edhe sisteme individuale apo të plota.
Ngrohja dhe uji i ngrohtë sanitar: si përfitoni ju si operator i ndërtesës nga zgjidhjet inteligjente
Me pompat tona smart të para në botë, ne vendosim standarde të reja në dixhitalizimin e pompave, për ju si operatori përgjegjës i ndërtesave tregtare. Mundësitë e komandimit sipas nevojës me funksionet novatore të kontrollit sigurojnë efektivitet energjetik maksimal të pompës në të gjithë sistemin. Kjo do të thotë që për ju si persona përgjegjës nëpër komuna, si qiradhënës ose si tregtar, kostot tuaja operative të ulen ndjeshëm dhe vlera e objektit tuaj të rritet në mënyrë të qëndrueshme.
Ajri i kondicionuar dhe ftohja: më shumë komoditet dhe siguri maksimale funksionimi për ndërtesën tuaj
Ndryshimet e klimës me periudha të gjata nxehtësie çojnë në një nevojë në rritje në të gjithë botën për impiante për klimatizimin dhe ftohjen e ndërtesave. Ndërkohë që impiantet e ajrit të kondicionuar në zyra rritin komoditetin dhe produktivitetin në punë të punojësve, defektet dhe avaritë në shërbimet e mirëmbajtjes së ndërtesës mund të rrezikojnë ndonjëherë në mënyrë akute sigurinë e funksionimit në hotele ose madje sigurinë e ofrimit të kujdesit për pacientët e një spitali.
Me Wilo-Smart Connect ne ju ofrojmë veçanërisht juve si operator i ndërtesës ose menaxherit të objektit të emëruar apo të kontraktuar nga ju, një koncept unik, në të cilin pompat dhe sistemet e pompimit mund të lidhen në rrjet me njëra-tjetrën dhe të mbikëqyren nga distanca nëpërmjet një aplikacioni dhe ku bashkëveprimi i tyre mund të optimizohet.
Sipas kërkesës, Wilo-Service ynë jua merr përsipër këtë detyrë me kënaqësi dhe mbikëqyr, analizon dhe optimizon sipas porosisë suaj gjendjen e pompës suaj.
Furnizimi me ujë: zgjidhje efikase për projektuesit dhe operatorët e objekteve
Urbanizimi në rritje, krijimi i të ashtuquajturave "megaqytete" me ndërtesa gjithmonë e më të larta dhe më të mëdha e vendos furnizimin e mjaftueshëm dhe të saktë me ujë të pastër përpara sfidave gjithnjë e më të mëdha. Kështu që për ju si projektues, nxjerrja dhe sigurimi i ujit në sasi të mjaftueshme dhe me cilësi bëjnë pjesë te sfidat më të rëndësishme të së ardhmes. Pompat dhe sistemet tona të pompimit për përdorimin e ujit të shiut, për marrjen e ujit të papërpunuar, trajtimin e ujit të pijshëm dhe për rritjen e presionit janë konceptuar në mënyrë të tillë që ta transportojnë ujin edhe në vendet më të larta dhe mund ta shpërndajnë atë sipas nevojës nëpërmjet rrjeteve të degëzuara.
Oferta jonë e gjerë e pompave mund të përshtatet në mënyrë fleksibël për nevojat tuaja si operator dhe ju garanton një furnizim të besueshëm dhe siguri funksionimi maksimale – pavarësisht nga lloji i ndërtesës dhe qëllimi i ndërtesës, qoftë banesë me disa familje, institucion arsimor, qendër biznesi për zyra apo spital.
Furnizimi i ujit për përdorim MKZ: si siguroheni ju si projektues dhe operator në nivelin më të lartë për mbrojtjen kundër zjarrit
Në qytete të mëdha dhe metropole, ku shumë njerëz banojnë dhe punojnë në hapësira të ngushta, zjarret mund të përhapen shpejt në katet e tjera dhe në ndërtesa. Si projektues teknik, Wilo ju ofron sisteme të besueshme, të sigurta dhe që kursejnë vend për mbrojtjen kundër zjarrit, për respektimin e të gjitha kërkesave ligjore. Këtu futen, për shembull, ndarja e ujit të pijshëm nga uji jo i pijshëm në shpërndarjen dhe konsumin e tij, sepse uji i ndenjur mund të çojë në formimin e baktereve që shkaktojnë sëmundje.
Përveç kësaj, ju keni në dispozicion një spektër shumë bashkëkohor zgjidhjesh modulare të ndërthurura në mënyrë specifike sipas degëve, me mundësi fleksibël zgjerimi.
Si alternativë, Wilo ofron sisteme të plota të parafabrikuara në fabrikë, të cilat përkojnë me kërkesat tuaja përkatëse rajonale për mbrojtjen kundër zjarrit dhe ju garantojnë një siguri funksionimi në nivel maksimal.
Ujërat e ndotura dhe drenazhimi: higjienik, i sigurt për të ardhmen dhe efikas
Rritja e popullatës dhe urbanizimi çojnë gjithnjë e më shumë në ujëra të ndotura me rritje të përmbajtjes së lëndës së ngurtë, gjë që e bën më të vështirë asgjësimin e tij. Këtu shtohen edhe kushtet ekstreme të motit me reshje të dendura të befasishme të shkaktuara nga ndryshimet klimatike, si rezultat i të cilave në një kohë të shkurtër duhen eliminuar sasi shumë më të mëdha uji se në të shkuarën.
Si projektues dhe operatorë, Wilo ju mbështet me pompa moderne, sisteme pompimi dhe me konceptet e duhura. Duke respektuar standardet e higjienës, ne ju ofrojmë zgjidhje efikase dhe të besueshme për këto sfida.