Fushat e përdorimit të sistemeve për mbrojtjen kundër zjarrit
Mbrojtja kundër zjarrit është kthyer në mbarë botën në një temë domethënëse dhe e rëndësishme.
Situatat e ndryshme në ndërtesa, të lidhura me rregullat e ndryshme lokale kërkojnë zgjidhje specifike dhe ngandonjëherë edhe zgjidhje të zgjerueshme, si sistemet për mbrojtjen kundër zjarrit nga Wilo. Ato mund të përdoren kudo atje, ku nevojitet mbrojtja më e madhe e mundshme e njerëzve, mallrave dhe ndërtesave, si p.sh. në ndërtesat e banimit, ndërtesat tregtare dhe industriale, si dhe në institucionet e infrastrukturës si shkollat, spitalet, qendrat tregtare, aeroportet, fabrikat, sallat e magazinimit, garazhet nëntokësore, qiellgërvishtësit etj.
Oferta jonë për sistemet e furnizimit të ujit për përdorim MKZ është veçanërisht e përshtatshme për hidrantët e murit dhe të jashtëm, për sistemet plotësuese të spërkatjes MKZ.
Furnizim i ujit për përdorim MKZ
Projektoni sistemet individuale me ne
Përfitoni nga ekspertiza jonë dhe nga teknologjia jonë e pompave me efektivitet të lartë. Ne kemi zhvilluar një seri të plotë në konstruksion modular. Kjo shtrihet që nga modelet individuale me motor shtytës elektrik ose me naftë dhe pompë ndihmëse automatike shtesë e deri te variantet kompakte të konfigurueshme në varësi të kërkesës së klientit për një zbatim individual - në mënyrë të thjeshtë dhe ekonomike. Sistemet tona për mbrojtjen kundër zjarrit mund të furnizohen si pompë teke ose të instalohen tashmë në një kontejner të lëvizshëm, të pajisur plotësisht nga ana teknike.
Sistemet komplete të Wilo reduktojnë kostot e koordinimit për këshilluesin, planifikuesin ose instaluesin dhe u ofrojnë të gjithë pjesëmarrësve siguri shtesë, deri diku gjatë instalimit dhe në këtë mënyrë përshpejtojnë të gjithë projektin.
Sisteme të plota të cilësisë së lartë: Përfitoni si projektues nga shumëllojshmëria jonë e gjerë e produkteve
Uji për përdorim MKZ duhet të jetë i disponueshëm në çdo kohë dhe me presionin e nevojshëm. Impiantet për fikjen dhe mbrojtjen kundër zjarrit vihen në përdorim vetëm në rast zjarri dhe duhet të funksionojnë absolutisht në mënyrë të besueshme - edhe nën kushte të vështira.
Wilo ofron sisteme të plota të cilësisë së lartë për një luftë të besueshme dhe të sigurt kundër zjarrit. Të gjitha produktet pasqyrojnë përvojën tonë dhe ekspertizën tonë deri në detajin më të vogël. Kjo njihet nëpërmjet certifikimeve tona të shumta kombëtare dhe ndërkombëtare. Rezultati është një teknologji, në të cilën mund të mbështeteni plotësisht, si depozitat tona kompakte të veçanta për ndarjen e ujit për përdorim MKZ dhe ujit të pijshëm.
Integrimi në sistemet e automatizimit të ndërtesave: Si integrohet sistemi për mbrojtjen kundër zjarrit nga projektuesi ose menaxheri i objektit
Të gjitha panelet tona të komandimit për qëllimet e mbrojtjes kundër zjarrit mbikëqyrin në vazhdimësi funksionet kryesore dhe transmetojnë statusin e sistemeve në sistemet e automatizimit të ndërtesave nëpërmjet Modbus ose BACnet.
Në anën e sigurt me WiloCare
Ne nuk ofrojmë vetëm një shërbim në lidhje me vënien në punë, por madje ne e rekomandojmë atë në mënyrë të qartë, pasi funksionaliteti absolut i sistemit është thelbësor në rast zjarri. Vënia në punë, mirëmbajtja dhe riparimi i sistemit kërkohet në të gjitha rregulloret për mbrojtjen kundër zjarrit dhe zbatohen nga shërbimi ynë pas shitjes me kontrollet përfundimtare të funksionimit. Përveç kësaj, ne ofrojmë lidhjen e mirëmbajtjes dhe monitorimin nga distanca, për të garantuar mbikëqyrjen dhe optimizimin e sistemit në çdo kohë me paketën tonë të shërbimit WiloCare.