SiFire-Easy-32/200-200-11EJ

Impiantet për rritjen e presionit si pajisje kompakte me pompa teke, tërësisht automatike, për qëllime të fikjes së zjarrit sipas EN 12845.

I përbërë nga një pompë kryesore me skelet bazamenti horizontal – EN 733 – me distancator bashkues, elektromotor dhe pompë elektrike, vertikale, me lëkundje dhe me shumë helika, enë zgjerimi me membranë (vëllimi: 20 l), si dhe një panel elektrik për çdo pompë, i fiksuar në një konstruksion të fortë mbajtës.

Modeli EC-Fire E për elektromotorin, i pajisur me Easy Controller, plus modeli EC-Fire J për pompën me lëkundje, konstruksion solid nga pjesë speciale profili me kanale për ngarkuesin me pirun dhe ganxhën, në mënyrë që të garantohet një transport i sigurt dhe pa probleme. Kllapë me lartësi të rregullueshme për shpërndarësin e daljes dhe skelet special bazamenti, nëpërmjet të cilit reduktohen në mënyrë të konsiderueshme transmetimi i dridhjeve dhe rriten besueshmëria dhe kohëzgjatja e shërbimit.

Një qark i mbyllur me çelës presioni të dyfishtë, manometër, valvul moskthimi, valvul (i siguruar nga operimi nga persona të paautorizuar) për pompën kryesore për nisjen automatike. Kabllot janë të fshehura në konstruksion dhe të mbrojtura nga tundjet dhe prerjet. I pajisur sipas standardit me membranë të instaluar direkt në trupin e pompës kryesore, për të evituar tejnxehjen e prurjes zero.

Panele komandimi EC-Fire E dhe EC-Fire J për sisteme për mbrojtjen kundër zjarrit sipas EN 12845.

Panele komandimi të integruara në trup me llamarinë çeliku sipas klasës së mbrojtjes IP54.

Saktësi maksimale dhe operim i lehtë nëpërmjet komandimit EC-Fire me paraqitje direkte të statusit të punës, ekran LC shumëgjuhësh, udhëzim i lehtë i përdoruesit me meny të qartë, butona për rregullimin e shpejtë të parametrave. Pajisje komandimi dhe rregulluese gati për komunikim për mbikëqyrjen e punës së impianteve.

Impianti gati për lidhje, i lidhur me tela dhe me tuba dhe i montuar mbi skeletin bazë.

Presioni i hyrjes:

Gjatë planifikimit të konfigurimit të sistemit duhet të merret parasysh presioni maksimal i hyrjes (shih Të dhënat teknike). Presioni maksimal i lejuar i hyrjes është i barabartë me diferencën nga presioni maksimal i funksionimit të sistemit, minus lartësinë maksimale të dërgimit të pompës që duhet të merret parasysh Q = 0. Te sistemet e spërkatjes MKZ, sipas EN 12845, presioni maksimal i ujit lejohet të jetë 12 bar. Te sistemet e spërkatjes MKZ me ngritje të fortë, te të cilat diferenca e lartësisë midis dhe spërkatësit më të lartë dhe më të ulët është më shumë se 45 m, presioni i ujit në dalje të pompës ose në tubacione lejohet të jetë më shumë se 12 bar, me kusht që të gjithë komponentët e sistemit të jenë konfiguruar për këtë nivel presioni.

Instalimi i pompës për rritjen e presionit në kushtet e thithjes.

Është e domosdoshme që për pompën kryesore të instalohet një depozitë hyrjeje e lidhur në daljen e presionit përmes pompës.

Vëllimi i rrjedhës

Deri në 350 m³/h (97 l/s) konfigurimi i sistemit të pompës kryesore.

Panele komandimi/pajisje komandimi për sistemet e furnizimit me ujë për përdorim MKZ

Wilo-Control EC-Fire E (pompë kryesore me elektromotor)

Hardueri:

Pajisje komandimi qendrore, plotësisht elektronike, e instaluar në një kuti çeliku të lyer, klasa e mbrojtjes IP54, pajisjet e komandimit dhe të ekranit në derën e përparme

Karakteristika dhe funksione:

Dizajni i pajisjes së komandimit varet nga fuqia e pompës së lidhur dhe numri i pompave të lidhura (nisja përmes DOL ose nisje yll-trekëndësh). Paneli përbëhet nga komponentët e mëposhtëm:

• Çelësi kryesor: Për takimin dhe stakimin e panelit të komandimit. (Në rastin e përdorimit të paautorizuar në rast zjarri)
• Ekrani: Ekran i instaluar në derën e panelit elektrik për operim të ekranit. Tregon, me simbole, të dhënat e punës dhe gjendje e punës së pompës dhe njësinë e komandimit dhe rregulluese. Përzgjedhja e menysë dhe futja e parametrave bëhen me butonat në derën e përparme
• Mikroprocesori: Mikroprocesor me PLC të realizuar me programim teknik, rrjet ushqyes dhe lidhje I/O. Konfigurimi i programimit varet nga impianti dhe sistemi i spërkatjes MKZ
• Indikatorët: Llamba sinjalizuese Longlife tregojnë gatishmërinë, punën e motorit dhe punën e pompës, aktivizimin e çelësit të presion dhe galexhantit elektrik, nisjen e dështuar, nisjen manuale dhe ndalimin manual
• Butonat: Butonat për nisjen manuale dhe ndalimin manual, për testin e llambave dhe zgjedhjen e menysë
• Siguresa mbrojtëse: Siguresa që tolerojnë një rrymë nisjeje prej të paktën 20 s
• Lëshimi i motorit: Lëshues magnetik për ndezje direkte, deri 22 kW, te fuqitë më të larta, nisja bëhet nëpërmjet yll-trekëndësh
• Mbrojtja e motorit: Vetëm për sinjalizimin
• Mbikëqyrja e furnizimit me ujë: Nëpërmjet një galexhanti elektrik, në mënyrë që niveli i ujit të qëndrojë në minimumi sa 2/3 e depozitës së hyrjes
• Mbikëqyrja e fuqisë: Ushqimi me rrymë dhe fuqia e pompës
• Raport i përmbledhur i sinjaleve: Gabimet e të gjitha llojeve afishohen nëpërmjet një indikatori të përbashkët të gabimeve
• Raport individual i sinjaleve: Nëpërmjet një indikatori individual të gabimeve afishohen mesazhet më të rëndësishme të gabimeve, të nisjes së dështuar
• Mesazhet e gabimeve dhe konfirmimi: Të gjitha mesazhet e gabimeve afishohen përmes LED-ve, jepen në ekran si kod gabimi dhe duhet që të konfirmohen

Softueri:

• I programuar që në fabrikë për funksionimin tërësisht automatik
• Informacione lidhur me tensionin, intensitetin e rrymës dhe fuqinë e pompës
• Navigimi i menysë me treguesin e tekstit të qartë

Përputhet me standardet e mëposhtme:

• Sisteme fikse për fikjen e zjarrit - sisteme automatike të spërkatjes MKZ (EN 12845), pjesa për pompat me elektromotor
• Pajisja elektrike e makinerive (EN 60204-1)
• Kombinimet e paneleve të kontrollit me tension të ulët (EN 61439-1 dhe EN 61439-2)
• EMC – Rezistenca ndaj interferencës për sektorët industrialë (EN 61000-6-2)
• EMC – Interferenca e emetuar për sektorin e banimit, të biznesit dhe tregtisë dhe ndërmarrjeve të vogla (EN 61000-6-3)

Përshkrimi i funksionit:

Me pajisjet e komandimit Wilo EC-Fire E, mund të komandohen pompa me elektromotor, sensorë për komandimin e pompave, si dhe niveli informacionit. Paneli i komandimit, i komanduar nëpërmjet mikroprocesorit, shërben për komandimin dhe rregullimin e të gjitha funksioneve të nevojshme të një impianti për rritjen e presionit sipas EN 12845, për qëllime testimi ose për raste reale spërkatësi.

Logjika e funksionimit për njësinë e fikjes së zjarrit bazohet në kalibrimin në kaskadë të çelësave të presionit për nisjen e pompës.

Nëse, për shkak të një hapjes së një ose disa qarqeve të qarkullimit ose për shkak të një defekti të spërkatësit, kërkohet një sasi e madhe uji, presioni në impiant bie. Kjo bën që pompa kryesore të niset nëpërmjet panelit të komandimit. Nëse, te sistemet me shumë pompa, nuk niset pompa kryesore elektrike (për shembull, për shkak të problemeve të ushqimit me energji), atëherë aktivizohet rënia e presionit të çelësit të presionit të pompës rezervë, i cili nis këtë pompë. Në disa raste mund të përdoren edhe dy ose më shumë elektropompa.

Në momentin që mbyllet qarku i qarkullimit të spërkatësit ose të saraçineskës, nëpërmjet të cilëve bëhet ushqimi i kokave të spërkatësit, në impiant krijohet një presion mirëmbajtjeje. Pas kësaj duhet të shtypen butonat e ndalimit në derën e përparme për ta ndaluar pompën.

Wilo-Control EC-Fire J (pompë me lëkundje me elektromotor)

Hardueri:

Pajisje komandimi qendrore, plotësisht elektronike, e instaluar në një kuti çeliku të lyer, klasa e mbrojtjes IP54, pajisjet e komandimit dhe butonat në derën e përparme

Karakteristika dhe funksione:

Dizajni i pajisjes së komandimit varet nga fuqia e pompës së lidhur. Paneli përbëhet nga komponentët e mëposhtëm:

• Çelësi kryesor: Për takimin dhe stakimin e panelit të komandimit
• Indikatorët: Llamba sinjalizuese Longlife që tregojnë gatishmërinë e pompës, punën dhe gabimet e kombinuara
• Çelësi elektrik: Çelës rrotullues për rregullimin e modalitetit manual ose të modalitetit automatik
• Lëshimi i motorit: Mbrojtje direkte
• Mbrojtja e motorit: Çelësa për mbrojtjen nga qarqet e shkurtra dhe mbingarkesat
• Raport individual i sinjaleve: Mesazhet e gabimeve të motorit (qark i shkurtër, mbingarkesë)
• Mesazhet e gabimeve dhe konfirmimi: Mesazhet e gabimit të motorit tregohen nëpërmjet LED-eve përkatëse. Konfirmimi kryhet pas rinisjes së relesë mbrojtëse të motorit

Përputhet me standardet e mëposhtme:

• Sisteme fikse për fikjen e zjarrit - sisteme automatike të spërkatjes MKZ (EN 12845), pjesa për pompat me lëkundje
• Pajisja elektrike e makinerive (EN 60204-1)
• Kombinimet e paneleve të kontrollit me tension të ulët (EN 61439-1 dhe EN 61439-2)
• EMC – Rezistenca ndaj interferencës për sektorët industrialë (EN 61000-6-2)
• EMC – Interferenca e emetuar për sektorin e banimit, të biznesit dhe tregtisë dhe ndërmarrjeve të vogla (EN 61000-6-3)

Përshkrimi i funksionit:

Me njësitë Wilo-Control EC-Fire J, pompat me lëkundje mund të komandohen me elektromotor dhe sensorë në përputhje me EN 12845, dhe si për qëllime testimi, ashtu dhe gjatë funksionimit të sistemit të spërkatjes MKZ.

Logjika e funksionimit për njësinë e fikjes së zjarrit bazohet në kalibrimin në kaskadë të çelësave të presionit për nisjen e pompës.

Pompë me lëkundje që shërben për rritjen e presionit niset e para dhe kujdeset që sistemi të qëndrojë i mbushur me ujë dhe nën presion. Në rastin e rënies së presionit, ajo aktivizohet në sistem. Rregullimi i nisjes dhe ndalimit bëhet nëpërmjet një çelësi presionit të kalibruar sipas mënyrës së parashikuar.