SiBoost Smart 2MVISE410

Компактна постројка за зголемување на притисокот во согласност со DIN 1988 и DIN EN 806, за непосредно или посредно поврзување. Составена од нормално вшмукувачки, паралелно поврзани, вертикални високопритисочни центрифугални пумпи од не’рѓосувачки челик, во изведба на пумпа со воден ротор, при што секоја пумпа располага со фреквентен конвертор. Подготвена за приклучување со цевковод од нерѓосувачки челик, монтирана на основна рамка, вклучувајќи управувачки уред со потребната мерна и порамнувачка опрема.

За автоматско водоснабдување и зголемување на притисокот во станбени, комерцијални и административни згради, хотели, болници, стоковни куќи, како и во индустриски постројки.

За транспорт на вода за пиење, потрошна вода, вода за ладење, вода за гаснење (освен за постројки за гаснење пожар според DIN 14462 и со одобрување од локалните противпожарни власти) или друга потрошна вода, која ниту хемиски ниту механички не ги напаѓа материјалите и која не содржи абразивни или долговлакнести состојки.

Особености/предности на производот

• Оптимално подесување на моќноста на пумпата поради режим на управување со варијабилен притисок (pv) и паралелна регулација на синхронизиран број на вртежи за поголема заштеда на струја
• До 20 dB[A] потивка работа од конвенционалните постројки со споредлива хидраулична моќност
• Натпропорционално голема широчина на регулирано подрачје на фреквентниот конвертор од 20 Hz до максимум 50 Hz
• Изведби на пумпи без одржување и без лизгачка механичка заптивка
• Голема сигурност благодарение на различните заштитни функции, вклучитечно заштита од оптоварување, заштита од сув од и автоматско исклучување
• Подесувањето и работата со SCe-приклучната табла се екстремно едноставни благодарение на LC-дисплеј и зеленото копче за подесување
• Одобрение за вода за пиење за сите составни елементи што се во допир со медиумот
• Подготвено за приклучување во зградна автоматика со SCe-приклучна табла преку Modbus RTU во стандардна изведба

Опрема/функција

2-4 пумпи од постројка од серијата MVISE со мотор со воден ротор и регулација на бројот на вртежи преку вграден фреквентен конвертор на секоја пумпа.

SCe-приклучната табла ги прави автоматската регулацијата и управувањето на постројката за зголемување на притисокот посигурни.

Целосно се монтира на поцинкувана основна рамка од челик со висинско поместување.

Сите составни елементи што се во допир со медиумот се отпорни на корозија.

Од притисочната страна:

• Затворачки вентил на секоја пумпа
• Неповратни вентили на секоја пумпа
• Мембрански притисочен сад 8 l, PN 16
• Сензор за притисок 4..20 mA
• Манометар

Од вшмукателната страна:

• Затворачки вентил на секоја пумпа
• Сензор за притисок 4..20 mA
• Манометар

Smart Controller (SCe) во куќиште од челичен лим, вид на заштита IP54, составен од внатрешно снабдување со контролен напон, микропроцесор со Soft-PLC, аналогни и дигитални влезови и излези за активирање на електронски пумпи со фреквентен конвертор.

За олеснето одржување се препорачува работно поле од 1 m околу постројката.

Ракување/дисплеј

• ЛЦ-дисплеј (со позадинско осветлување) за прикажување на работните податоци, параметрите на регулаторот, работните состојби на пумпите, сигнализација за грешки и меморија за историјата
• Водење во менито преку симболи и броеви
• Светлечки диоди за приказ на инсталацијата (работа/пречка)
• Фабрички поставени параметри за лесно пуштање во работа
• Подесување на работните параметри и ресетирање на сигнализација за грешка преку технологијата на зелено копче
• Заклучувачки главен прекинувач
• Работа со/без резервна пумпа по избор преку службата за односи со корисниците
• Бројач на работни часови по пумпа и за целата постројка
• Бројач на циклуси на префрлување по пумпа и за целата постројка
• Меморија за последните 16 пречки

Регулација

• Целосно автоматска регулација од 1 до 4 фреквентно регулирани пумпи преку споредба на зададената/актуелната вредност
• Префрлање на зададена вредност: Може да се активира втора зададена вредност по контакт
• Автоматско приклучување на 1 до n пумпи за врвно оптоварување зависно од оптоварувањето, во зависност од константата (p-c) на контролната величина на притисокот или варијаблата на притисокот (p-v)
• Можен избор на 2 комплета параметри, мени „Easy“ (зададена вредност и режим на управување) или мени „Expert“ (работни и контролни параметри)
• Слободен избор на работен режим на пумпа (Рачно – Искл – Автоматски)
• Автоматско подесување за замена на пумпите
• Стандардни поставки: Импулс - при секое ново барање се заменува основната пумпа, без оглед на работните часови
• Алтернативно: замена на пумпите по работни часови, циклична замена на основна пумпа по програмабилен број на работни часови
• Автоматско нагодување на тест-работа на пумпата (ударно стартување на пумпата)
  • Може да се активира/деактивира
  • Слободно програмирање на времето помеѓу две пробни работења на пумпа
• Слободно програмирање на времето на исклучување
• Слободно нагодување на бројот на вртежите

Надгледување

• Издавање на актуелната вредност на постројката преку аналоген сигнал од 0-10 волти, при можност за надворешно мерење/прикажување, при што 10 волти одговараат на крајната вредност на сензорот
• 4–20 mA сигнал на сензор (надгледување на прекин на жиците на линијата на давачот) за актуелна вредност на контролните величини
• Осигурување на мрежните доводи до пумпата преку заштитна склопка на водот
• Автоматско префрлување на резервна пумпа при пречка на некоја од работните пумпи
• Надгледување на макс. и мин. вредности на постројката со времиња што може да се програмираат и ограничувања на одложеното застанување
• Тест на нула количина, за исклучување на постројката кога нема трошење вода (параметрите се дефинираат)
• Функција за полнење празни цевки (прво полнење на потрошувачката мрежа)
• Заштита од недостаток на вода преку сензор за притисок 4..20 mA од вшмукателната страна во стандардна изведба
• Заштита од недостаток на вода преку контакт за префрлување, на пр. за пливачки прекинувач
• Автоматско запирање на пумпите во случај на дефект, односно работа со однапред дефиниран број на вртежи за ургентна работа

Интерфејси

• Безнапонски контакти за сигнализација за збирна работа и сигнализација на збирна грешка (SBM/SSM)
• Можна е регулација на логично враќање за SBM и SSM
• Контакти за екстерно вкл./искл., недостаток на вода и втора зададена вредност
• Екстерно вкл./искл. преку контакт за исклучување на автоматска работа на постројката

Изборна дополнителна опрема (монтирана фабрички или по техничкиот прием)

• Сигнализација за единечна работа и за грешка
• Конвертор на сигналот за 0/2 – 10 V на 0/4 – 20 mA
• Модул за комуникација GSM (SC)
• Далечинско следење WiloCare преку интернет

Препорачана опрема (треба посебно да се порача)

• Флексибилни приклучни водови или компензатори
• Навојни капи кај постројки со навоен собирен цевковод

Собирнички системи (изборно)

• LON-Bus, Modbus TCP, BACnet MSTP, BACnet IP

Задржани стандарди

• Технички правила за инсталации за вода за пиење DIN 1988 (EN 806)
• Мембрански притисочен сад/еластичен мембрански сад DIN 4807
• Опрема на високонапонски системи со електронски работен материјал според EN 50178
• Електрична опрема на машини по EN 60204-1
• Безбедност на електричните апарати за употреба во домаќинствата и слична намена по EN 60335-1
• Нисконапонски склопови на прекинувачи EN 60439-1/61439-1
• Електромагнетна подносливост, отпорност на интерференца за индустријална област EN 61000-6-2
• Електромагнетна подносливост, емитирана интерференца за станбена област, продавници и комерцијална области, како и во малите погони (EN 61000-6-3)